Холанд биттада Мессининг иккита рекордини урди

“Манчестер Сити”нинг норвегиялик ҳужумчиси Эрлинг Холанд “Пари Сен-Жермен”га қарши учрашувда (2:4) Чемпионлар лигасининг иккита рекордини ўрнатди.

Бу ҳақда Actu Foot ижтимоий тармоқдаги X саҳифасида хабар берди.

Холанд Чемпионлар лигаси тарихида 60 та гол чегарасига энг тез етган футболчига айланди. У бу натижага эришиш учун 60 та учрашув ўтказди. Аввалги рекордчи Лионель Месси эса 60 та гол уриш учун 80 та ўйин сарфлаган.

Бундан ташқари, Холанд Чемпионлар лигасида 60 та гол урган энг ёш футболчи бўлди. У бу кўрсаткичга 26 ёшу 85 кунлигида эришди. Месси эса 60-голини урганида 26 ёшу 86 кунлик бўлган. Демак, Холанд ушбу натижа бўйича Мессининг рекордини бир кунга янгилади.

Умумий босқичнинг учинчи турида “Манчестер Сити” 20 октябрь куни Грециянинг  АЕК жамоаси билан учрашади. ПСЖ эса шу куни “Барселона”га қарши майдонга тушади.