Холанд Бернарду Силвани "энг ақлли футболчи" деб атади
- 17-апрел, 15:30
- Bilolbek Imomov
- 0
- Футбол
"Манчестер Сити" ҳужумчиси Эрлинг Холанд жамоадоши Бернарду Силванинг мавсум якунида клубни тарк этиши ҳақида фикр билдирди.
Аввалроқ португалиялик ярим ҳимоячи жорий мавсумдан кейин "Манчестер Сити"дан кетишини маълум қилган эди.
"Бернарду, эҳтимол, мен бирга ўйнаган энг ақлли футболчи. Унинг сўнгги тўққиз йилда "Манчестер Сити"даги фаолиятини айтсак, бу ақл бовар қилмас даражада. У олти марта Премьер-лига ғолиби бўлди, Чемпионлар лигасини ютиб олди. Требл мавсумида унинг клуб учун қанчалик муҳим бўлганига қаранг", — деди Холанд Sky Sports News’га берган интервьюсида.
Норвегиялик ҳужумчи таъкидлашича, Силва сўнгги йилларда "Манчестер Сити"нинг энг муҳим фигураларидан бири бўлиб, клубнинг шаклланишида катта роль ўйнаган.
Жорий мавсумда 31 ёшли ярим ҳимоячи барча мусобақаларда 44 та ўйинда майдонга тушиб, 3 та гол ва 5 та голли узатмага муаллифлик қилган.