Хавотир олма, “Барса” 100 миллион евро тикса, сени аниқ сотамиз!

Ўтган ҳафта охирида “Атлетико”нинг аргентиналик ҳужумчиси Хулиан Альварес клуб раҳбариятига жамоани тарк этиш вариантини кўриб чиқаётганини маълум қилди.

Бу ҳақда Sport.es журналисти Уго Скоччиа X ижтимоий тармоғида хабар берди.

Манбага кўра, аргентиналик ҳужумчи бир неча ой аввал клуб билан эришилган келишувга амал қилишни сўраган.

Ўша келишувга мувофиқ, агар “Барселона” Альварес учун 90–100 миллион евро таклиф қилса, «Атлетико» уни каталонияликларга сотишга ваъда берган.

Хулиан Альварес яна омма олдида ҳам “Атлетико”ни тарк этиш истагини билдирди. У 2024 йилнинг ёзидан бери мадридликлар сафида ўйнаб келмоқда.

Футболчининг амалдаги шартномаси 2030 йил ёзигача мўлжалланган.