"Барселона"нинг собиқ бош мураббийи ва афсонавий футболчиси Хави Эрнандес келажакдаги "Олтин тўп" соҳиби ким бўлиши ҳақида ўз фикрини билдирди.
Испаниялик мутахассис ушбу совринни каталония клубининг 18 ёшли юлдузи Ламин Ямал қўлга киритишини таъкидлади.
"Ким "Олтин тўп"ни ютади? Ямал", — деди Хави "The Touchline" нашрига берган қисқа жавобида.
Эслатиб ўтамиз, айнан Хави бош мураббийлиги даврида Ламин Ямал "Барселона"нинг асосий жамоасида 15 ёшида дебют қилган эди.
Ўтган йили иқтидорли қанот ҳужумчиси "Олтин тўп" учун овоз бериш натижаларига кўра иккинчи ўринни эгаллаган ва фақат ПСЖ футболчиси Усмон Дембелега имкониятни бой берган.
Хави икки йил аввал "Барселона" бош мураббийлиги лавозимини тарк этган бўлиб, шундан буён ҳеч қайси клубда ишламаяпти.