Хамзат Чимаевни ҳушидан кетказган эдим

Жиу-житсу бўйича қора белбоғ соҳиби Диллон Дэнис ММА юлдузи Хамзат Чимаевни муштлашув бошланишидан олдинроқ бўғиш усули билан тўлиқ ҳушидан кетказганини айтди.

Дэниснинг таъкидлашича, у Чимаев билан курашган пайтида, рақибини қаттиқ бўғиш усулига олган. Хамзат эса бир неча сония ичида ҳушини йўқотган, шундан сўнг вазият кескинлашиб, икки томон ўртасида жанжал ва оммавий муштлашув келиб чиққан.

Ҳозирча ушбу даъволар бошқа манбалар томонидан тасдиқланмаган. Чимаев ёки унинг жамоаси ҳам бу ҳақда расмий изоҳ бермади. Шу боис, спорт жамоатчилиги орасида Диллоннинг гаплари ҳақида турли фикр ва баҳслар давом этмоқда.

Маълумот учун, Диллон Дэнис жиу-житсуда юқори даражадаги маҳоратга эга бўлиб, профессионал ММАда ҳам ўз номини чиқарган спортчи ҳисобланади. Хамзат Чимаев эса аралаш жанг санъатлари дунёсида тез суръатлар билан юксалиб келаётган, кучли зарбалари ва агрессив услуби билан танилган жангчи.