Хамзат Чимаев ва Хабиб Нурмагомедов ўртасидаги муносабатлар чиндан ҳам ёмонми?

Ўрта вазн тоифасида амалдаги UFC чемпиони Хамзат Чимаев ММА афсонаси Хабиб Нурмагомедов билан муносабатлари ҳақида гапирди.

"Биз Хабибга ҳавас қилиб улғайганмиз. У тарихдаги энг буюк жангчилардан бири. Одамлар мен ва Хабиб ўртасида қандайдир муаммо бор, деб ўйлайди, бироқ бу ҳақиқат эмас. Нурмагомедов – менинг мусулмон акам. У ҳам мен каби камбағал қишлоқдан чиқиб, мана шундай катта натижаларга еришган", – дея чемпионнинг сўзларини келтирди "The Fight Fantastic".

Эслатиб ўтамиз, Чимаев навбатдаги жангини 10 май куни "UFC 328" турнирида америкалик Шон Стриклендга қарши ўтказади.