Хаби Алонсо “Челси”га Европа чемпионлар лигаси ғолибини чақиряпти
- 14-июн, 08:30
- Zohir Toshxo’jayev
- 0
- Футбол
“Пари Сен-Жермен” ҳужумчиси Брэдли Баркола жорий ёзда жамоасини тарк этиши мумкин.
CentreGoalHQ нашри маълумотига кўра, франциялик футболчига қизиқиш билдираётган гранд клублар қаторига “Челси” ҳам қўшилди. Лондон клуби ҳужумчини ёзги трансфер ойнасидаги асосий мақсад сифатида белгилаган.
Лондонликларнинг янги бош мураббийи Хаби Алонсо Барколани “Челси” лойиҳасидаги етишмаётган бўғинни тўлдирувчи ижрочи, деб ҳисобламоқда.
Брэдли Баркола 2023 йилда “Лион”дан «ПСЖ»га 45 миллион евро эвазига ўтган эди. Унинг Париж клуби билан шартномаси 2028 йил 30 июнгача амал қилади.
2025/26 йилги мавсумда ҳужумчи барча мусобақаларда 49 та ўйинда қатнашиб, 13 та гол урди ва 7 та голли узатма амалга оширди.
Transfermarkt портали Барколанинг бозор қийматини 70 миллион евро деб баҳоламоқда.