Хаби Алонсо "Челси" бош мураббийлиги учун асосий номзодга айланди

Хаби Алонсо "Челси" бош мураббийлиги учун асосий даъвогар бўлиб турибди. "iPaper" нашрининг хабар беришича, испаниялик мутахассис номзодини Лондон клуби раҳбариятидаги бир қатор шахслар қўллаб-қувватламоқда.

Шунингдек, "Челси" Алонсога трансферлар ва жамоа таркибини шакллантириш масаласида кенг ваколатлар беришга тайёр. Хаби Алонсо январь ойи ўртасида "Реал Мадрид"дан кетганидан бери ҳеч қайси клубда ишламаяпти.

"Челси" эса яқинда бир неча ой ишлаган Лиам Росеньор билан хайрлашганди. Ҳозирда лондонликлар Англия Премьер-лигаси жадвалида тўққизинчи ўринни эгаллаб турибди.