"World Boxing" ташкилоти кубоги. Яна 3 нафар боксчимиз финалда!

Хитойда ўтказилган Жаҳон кубоги давом этмоқда. Куннинг 2-дастур жангларида 5 нафар боксчимиз финал йўлланмаси учун рингга кўтарилди.  

-50 кг вазнда Асилбек Жалилов иорданиялик Хутҳаифа Эшиш рақиблик қилди. Баҳсни Жалилов юқори савияда ўтказди ва 4:1 ҳисобида ғалабага эришди. 

Нигина Ўктамова -57 кг вазнда тоифасида хитойлик Зийи Ченни 3:2 ҳисобида мағлубиятга учратди ва финалга йўл олди.

-75 кг вазндаги ярим финал баҳсида, Азиза Зокирова яна бир хитойлик Зийи Баога қарши баҳс олиб борди ва афсуски, ҳакамларнинг қарорларига кўра имкониятни бой бериб қўйди. 0:5. Бизда навбатдаги бронза медали!

-80 кг ванзда Жавоҳир Умматалиев озарбайжонлик Мурад Аллаҳвердиевни 4:1 ҳисобида мағлубиятга учратди ва финал йўлланмасига эга чиқди.

Арман Маханов +90 кг вазнда германиялик Никита Путиловга қарши баҳс олиб борди. 3 раунд якунларига кўра Арман, афсуски 0:5 ҳисобида имкониятни бой берди ва мусобақани бронза медали билан якунлади.

Бу ҳақда Ўзбекистон бокс федерацияси хабар бермоқда.