WBC қарорни Баҳодир Жалолов фойдасига чиқарди

Ўзбекистонлик машҳур боксчи Баҳодир Жалолов (17-0, 15 КО) Жаҳон бокс кенгашининг (WBC) янгиланган рейтингида икки поғона юқори кўтарилди, деб хабар бермоқда Sports.kz.

WBCнинг супероғир вазн тоифасидаги сўнгги рейтингига кўра, Жалолов ҳозирда 11-ўринни эгаллаб турибди. Илгари у 13-поғонада қайд этилган эди.

Рейтингда Баҳодирдан юқори қаторларда, жумладан, украиналик Андрей Новицкий ҳам жой олган. У ҳам ўз кўрсаткичини яхшилаб, 12-ўриндан 10-поғонага кўтарилди. Рўйхатнинг етакчи поғонасида эса ҳали ҳам британиялик Тайсон Фьюри жойлашган.

Эслатиб ўтамиз, Баҳодир Жалолов ўзининг сўнгги жангини 9 май куни Манчестер шаҳрида ўтказган эди. Ушбу баҳсда у хорватиялик супертяж вазн вакили Агрон Смакични муддатидан олдин мағлуб этган.