Войцех Шенсний: "Уйга қайтиб, йиғлаганимни эслайман"

 "Барселона" дарвозабони Войцех Шенсний фаолиятидаги энг қийин лаҳзани эслади. 

"Арсенал" менга энди уларнинг режаларида йўқлигимни айтганда жуда қийин бўлди. Бу менинг бутун фаолиятимдаги энг қийин лаҳза. Юрагим эзилган вақтлар. Уйга қайтиб, йиғлаганимни эслайман. Кейинчалик, Венгер бу қарорни асосан 2015 йилдаги сигарет билан боғлиқ воқеа туфайли қабул қилганини англадим", - деди 35 ёшли дарвозабон интервьюсида.

Эслатиб ўтамиз, Войцех Шенсний ўтган йилнинг октябр ойидан бери "Барселона" шарафини ҳимоя қилиб келади. Бу ёзда посбон Каталония клуби билан шартномасини 2027 йилнинг ўртасига қадар узайтирди.