Влахович: "Бу мен учун терма жамоадаги энг оғир мағлубият бўлди"

Сербия терма жамоаси ҳужумчиси Душан Влахович жамоанинг ЖЧ–2026 саралашида Албанияга қарши (0:1) мағлубияти ҳақида фикр билдирди. Беллашувдан сўнг бош мураббий Драган Стойкович истеъфога чиқди

"Бу менинг терма жамоа сафидаги фаолиятим давомидаги энг оғир мағлубият бўлди. Ўйлайманки, бошқа йигитлар ҳам шундай деб ҳисоблайди. Бу биз учун жуда оғир кун. Биз яхши ўйнамадик, сўнгги ўйинларда ҳам ғалаба қозона олмадик, Англиядан катта ҳисобда ютқаздик — шу боис одамлар норозилигини тушуниш мумкин. Бу ҳозирги реаллик, бу аниқ. Айниқса, футболчиларимиз қайси клубларда ўйнаётгани ва майдонда қанча дақиқа ўтказаётганини ҳисобга олсак.

Энди олға қараб ҳаракат қилишимиз, бирлашишимиз керак. Атмосфера яхши, жамоамизда бирдамлик бор. Албатта, ҳали ҳам кўтарилишлар ҳам, пасайишлар ҳам бўлади. Бизда кўплаб янги футболчилар бор, уларга мослашиш учун вақт керак", — дея таъриф бериб ўтди "Ювентус" клуби ҳужумчиси.