Витинья: "Роналду билан бир жамоада ўйнаш — бу шараф"

Португалия терма жамоаси ва ПСЖ ярим ҳимоячиси Витинья Криштиану Роналду билан бир жамоада ўйнаётгани ҳақида фикр билдирди.

"Бу — ақлбовар қилмас даражадаги ҳис. У футбол тарихидаги энг буюк ўйинчилардан бири. У билан бир кийиниш хонасини бўлишиш, ундан ўрганиш ва ҳар куни профессионализмга гувоҳ бўлиш мен учун катта фахр.

Мен у билан ва унинг учун Жаҳон чемпионатида ғалаба қозонишимизга умид қиламан", — деди Витинья.

Шунингдек, португалиялик футболчи Роналдудан нималарни ўргангани ҳақида ҳам тўхталди.

"Энг асосийси — унинг футболга бўлган ёндашуви. У жуда профессионал ва жиддий инсон. Ҳеч нарсани тасодифга ташлаб қўймайди. Майдонга чиққан пайтда у ўзини 100 фоиз тайёр деб ҳис қилади ва жамоа учун қўлидан келган барча ишни қилганини билади", — дея қўшимча қилди Витинья.