Виржил ван Дейк АПЛнинг жорий мавсумида энг кўп пас берган футболчига айланди

Виржил ван Дейк жорий мавсумда Англия Премьер-лигасида энг кўп узатма амалга оширган футболчи бўлди. "Talksport" маълумотига кўра, "Ливерпуль" ҳимоячиси ҳисобида ҳозирга қадар 2 144 та пас бор.

Рейтингнинг иккинчи ва учинчи поғоналари ҳам марказий ҳимоячиларга тегишли. Льюис Данк ("Брайтон") 2 109 та узатма билан иккинчи, Трево Чалоба ("Челси") эса 1 943 та пас билан учинчи ўринни эгаллаб турибди.

Тўртинчи поғонадан яна бир ҳимоячи жой олган — Йоаким Андерсен ("Фулхэм"). Унинг ҳисобида 1 869 та узатма мавжуд.

Рейтингни ярим ҳимоячи Эллиот Андерсен ("Ноттингем Форест") якунлаб турибди. У жорий, ҳали тўлиқ якунланмаган мавсумда 1 855 та пас берган.