Винисиуснинг ўрнига бошқа юлдуз келади
- 13-август, 19:08
- Ali Ahmadxo’jayev
- 0
- Футбол
Англия чемпиони “Арсенал” Испаниянинг “Реал” клуби вингери Винисиус Жуниор билан боғлиқ ҳаракатлар муваффақиятсиз якунланганидан сўнг Италиянинг “Ювентус” жамоаси футболчиси Кенан Йилдиз вариантига қайтди.
Июнь ойининг бошида “Арсенал”га Йилдизни сотиш режалаштирилмаётгани айтилган эди. Ваҳоланки, “канонирлар” Кенан бўйича ўтган ёздаёқ маълумот тўплай бошлаган эди.
Шундан бери “Арсенал” на Хулиан Альваресни, на Морган Рожерсни, на Винисиусни қўлга кирита олди ва The Times нашрининг таъкидлашича, энди яна Йилдизни харид қилиш имкониятини кўриб чиқмоқда.
“Ювентус” қулай вазиятда, чунки Туркия терма жамоасининг 21 ёшли футболчиси ўтган мавсумда 47 та учрашувда 11 та гол урган ва февраль ойидаёқ 2030 йилгача янги шартнома имзолаган.
Туриннинг La Stampa газетаси фикрича, “Ювентус”ни Йилдизни қўйиб юборишга кўндириш учун “Арсенал” 100 миллион евродан (86 миллион фунт) кўпроқ маблағ сарфлашига тўғри келади.