Винисиус мухлисларининг ҳуштакбозлигига муносабат билдирди

Мадриднинг «Реал» жамоаси ҳужумчиси Винисиус Жуниор «Сантьяго Бернабеу»да ўз мухлислари томонидан эшитилаётган шовқин ва ҳуштакбозликка муносабати ҳақида журналистларга гапириб берди.

Унинг сўзларига кўра, ҳуштакбозлик, албатта, ўйинига ижобий таъсир қилмайди. Шу билан бирга, Винисиус мухлислар стадионга катта пул тўлаб киради ва ўзларини керак деб билганча тутишга ҳақли эканини таъкидлади. Бразилиялик футболчига кўра, «Реал» футболчилари қачонки трибуналар қўллаб-қувватласа, ўшанда яхшироқ ўйин намойиш этади.

«Менимча, мени ҳуштакбозликка олиш осонроқ, чунки бу ерда энг кўп ўйнаган футболчиларданман ва жамоа сардорларидан бири ҳисобланаман. «Реал»га биринчи келганимда кўпчилик устимдан куларди, ҳозир эса мадридликлар сафида 100 тадан ортиқ гол урганман», — деди Винисиус.

Эслатиб ўтамиз, Винисиус Жуниор Ла Лига доирасидаги «Вильярреал»га қарши ўйинда рақиб футболчининг сочидан тортиб юборгани учун тўрт ўйинга дисквалификация қилинган эди.