Винисиус икки суперклубдан таклиф олади

«Реал» ҳужумчиси Винисиус Жуниорнинг клубдаги келажаги ҳамон сўроқ остида қолмоқда.

ElNacional.cat нашрининг маълумотига кўра, «Манчестер Юнайтед» ва «Пари Сен-Жермен» жаҳон чемпионатидаги ажойиб ўйинларидан кейин бразилиялик футболчи учун трансфер таклифини тайёрламоқда.

Манчестерликлар уни 120 миллион еврога сотиб олиш имкониятини кўриб чиқмоқда. «ПСЖ» эса Винисиусни «Реал» билан амалдаги шартномасини охиригача бажаришга кўндириб, 2027 йил ёзида эркин агент сифатида ўз сафига қўшиб олишни режалаштирмоқда.

«Реал» раҳбарияти Винисиусга бўлган қизиқиш ортиб бораётганидан хавотирда. Яқинда клуб бразилиялик юлдузга маоши оширилган янги таклифни берди. Футболчи ҳалигача янги шартномани имзоламаган.