Винисиус бунақасини кутмаган бўлса керак...

Transfermarkt портали Ла Лигада иштирок этаётган чарм тўп усталарининг янгиланган трансфер нархларини эълон қилди. Унга кўра, “Реал” ва “Барселона” ўйинчилари орасида нархи кескин пасайиб кетган ўйинчилар борлиги маълум бўлди.

Ўз вақтида жаҳоннинг энг қиммат ўйинчиси даражасига кўтарилган Винисиус Жуниор энг арзонлаган футболчилар рейтингида биринчи қаторда қайд этилди. Бразилиялик юлдузнинг нархи 20 миллион еврога тушиб кетган ва айни пайтда 150 миллион еврони ташкил қиляпти.

“Барселона” юлдузларидан Гавининг нархи ҳам сезиларли даражада арзонлаб кетди. Жароҳат туфайли узоқ муддатга сафдан чиққан ёш юлдуз ҳам Винисиус сингари 20 миллион еврога арзонлаган.

Қуйида қийматини энг кўп йўқотган ўйинчилар рўйхати билан танишиш мумкин.

Винисиус Жуниор («Реал» Мадрид) — € 150 млн (- € 20 млн).

Гави («Барселона») — € 40 млн (- € 20 млн).

Рональд Араухо («Барселона») — € 35 млн (- € 15 млн).

Родриго Гоэс («Реал» Мадрид) — € 80 млн (- € 10 млн).

Эдуарду Камавинга («Реал» Мадрид) — € 50 млн (- € 10 млн).

Маркус Рашфорд («Манчестер Юнайтед»/«Барселона») — € 40 млн (- € 10 млн).

Рауль Асенсио («Реал» Мадрид) — € 30 млн (- € 10 млн).

Такефуса Кубо («Реал Сосьедад») — € 30 млн (- € 10 млн).

Эдер Милитао («Реал» Мадрид) — € 30 млн (- € 10 млн).

Лукас Бельтран («Валенсия») — € 10 млн (- € 8 млн).