Велоспорт бўйича Жахон чемпионатида вакилларимиз ҳам иштирок этади

22-29 сентябрь кунлари Швейцариянинг Цюрих шаҳрида велоспортнинг шоссе йўналиши бўйича катталар ва U 23 ёш тоифасида жаҳон чемпионати бўлиб ўтади. Мазкур мусобақада Ўзбекистон терма жамоаси аъзолари ҳам иштирок этишади.

Катталар ўртасидаги беллашувларда Дмитрий Бочаров ҳамда Янина Кускова юртимиз шарафини ҳимоя қилишса, U 23 ёш тоифасидаги пойгаларда Никита Светков медаллар учун кураш олиб боради. Ҳамюртларимиз ҳозирда мазкур муосбақага қизғин тайёргарлик кўришмоқда. Бўлажак беллашувларда барча спортчиларимизга омад ва зафарлар тилаб қоламиз.