Ван Дейк мағлубиятга чидай олмаяпти

“Ливерпуль” етакчиси ва сардори Виржил ван Дейк Англия кубоги чорак финалида “Манчестер Сити”дан учралган мағлубият унга оғир таъсир қилганини билдирди.

- Бу мағлубиятни қабул қилиш жуда, жуда қийин. Майдонда бўлиш ундан ҳам оғир. Жуда оғир кун бўлди ва мухлислардан узр сўрайман.

Барча масъулият бизнинг зиммамизда. Биз дунёнинг қандай ишлашини биламиз. Қанчалик қийин бўлмасин, бирга туришимиз керак. Англия кубогидан чиқиб кетганимиз — катта зарба, чунки пенальтигача, менимча, муаммо йўқ эди.

Ҳозирча мен фақат ўзим ҳақимда гапира оламан: бу катта зарба, буни бошдан кечириш қийин. Аммо ҳақиқат шундаки, ҳафтанинг ўртасида бизни ғалабага оч ва жуда кучли “Пари Сен-Жермен” кутиб турибди.

Айтиш мумкинки, ягона тасалли — олдинда яна икки ўйин бор, лекин улар орасида ҳам биз “Фулхэм”га қарши оғир ўйин ўтказамиз. Шунинг учун, ишимиз осон бўлмайди, - деди Виржил ван Дейк.

Англия кубоги ярим финал ўйинлари 25 ва 26 апрель кунлари “Уэмбли” стадионида бўлиб ўтиши кутилмоқда.