Вальвердега дарров супер харидор чиқди

Франциянинг энг қудратли клуби “Пари Сен-Жермен” таркибини кучайтириш мақсадида “Реал” ярим ҳимоячиси Федерико Вальвердега жиддий қизиқиш билдирмоқда.

Журналист Маркос Бенито El Chiringuito эфирида парижликлар аллақачон уругвайлик футболчининг атрофидагилар билан боғланганини маълум қилди. Аммо бу Вальверденинг “Реал”ни тарк этиш нияти борлигини ёки мадридликлар унга янги жамоа қидиришини айтганини англатмайди.

Аввалроқ Вальверде ўтган ҳафта жамоа машғулоти вақтида кийиниш хонасида ярим ҳимоячи Орельен Тчуамени билан муштлашиб кетгани ҳақида маълумот пайдо бўлган эди. Оқибатда уругвайлик футболчи йиқилиб, столга урилиб кетган ва бош мия жароҳатини олганди. Клуб ҳар икки футболчини 500 минг евро миқдорида жаримага тортган.

Айрим манбалар “Қироллик клуби” бошқа ўйинчиларга ўрнак бўлиши учун Федерико Вальвердени ёзда сотиб юборишга ҳаракат қилиши ҳақида турли маълумотлар чиқа бошлади.

Ушбу мавсумда Вальверде барча мусобақаларда 48 та ўйин ўтказиб, тўққизта гол ва 13 та голли узатмага муаллифлик қилди. Transfermarkt портали уругвайлик футболчини 120 миллион еврога баҳоламоқда.