Усмон Нурмагомедов: "Арман Царукян ҳеч ким кутмаган ишни қилди"

Россиялик ММА устаси Усмон Нурмагомедов UFC юлдузи Арман Царукян ҳақида фикрлари билан ўртоқлашди.

"Бу – MMA. Агар жанг пайти бирор нарса иш бермаса, мослашишингиз, ўзгаришингиз ва бошқа нарсани синаб кўришингиз керак. Албатта, ҳамма Армандан Руффини йиқитиши, партерда ушлаб туриши, назорат ва жангни шу тарзда олиб кетишини кутганди, аммо у ҳеч ким кутмаган ишни қилди.

Царукян – дунёдаги энг яхши жангчилардан бири. Агар уни ҳисобдан чиқариб, "стойка"да беллаша олмайди, деб ўйласангиз, катта хатога йўл қўйган бўласиз", - деди россиялик "RED Corner MMA" нашрига берган интервьюсида.

Эслатиб ўтамиз, Усмон Нурмагомедовнинг PFL билан амалдаги шартномаси тугаган. Унинг келажакда қайси лигада иштирок этиши йил охиригача маълум бўлади.