Усмон Дембеле фаолиятини қаерда давом эттириши ҳал бўлди
- 2-сентябр, 19:14
- Zohir Toshxo’jayev
- 0
- Футбол
Франция миллий терма жамоаси ҳужумчиси Усмон Дембеле ПСЖ билан шартномасини узайтириш бўйича принципиал келишувга эришди. Бу ҳақда L’Équipe хабар берди.
29 ёшли футболчининг Париж клуби билан амалдаги шартномаси 2028 йилгача мўлжалланган.
Кутилишича, янги шартнома яқин ҳафталарда имзоланади ва у 2030 йил ёзигача амал қилади. Дембеле аввал ҳам бир неча бор фаолиятини Парижда давом эттириш истагини билдирган.
Манба маълумотига кўра, хусусан, Саудия Арабистони клублари француз футболчисига қизиқиш билдирган. Бироқ ҳужумчи ПСЖда қолишга қарор қилган.
Дембеле Париж клуби сафида 2023 йилдан буён ўйнаб келмоқда. 2025 йил якунларига кўра, француз футболчиси “Олтин тўп” соҳиби бўлган.
Изоҳлар (0)
Ҳозирча изоҳлар йўқ