Улар кетади! Моуриньо “Реал”да икки футболчи келажагига нуқта қўйди

Мадриднинг «Реал» клуби бош мураббийи Жозе Моуриньо жамоадаги таркибни ишининг дастлабки ойларидаёқ тўлиқ ўрганиб чиқди ва икки футболчидан воз кечишга қарор қилди. Бу ҳақда Sport.es The Athletic нашрига таяниб хабар берди.

Манба маълумотларига кўра, дарвозабон Андрей Лунин ва ҳимоячи Рауль Асенсио португалиялик мутахассиснинг жорий мавсум учун режаларига кирмайди. Ҳозиргача бу футболчиларнинг ҳеч бири майдонда бир дақиқа ҳам ўйнамаган.

Асенсионинг маоши уни бошқа клубга сотишни қийинлаштираётган асосий омил экани таъкидланмоқда. Моуринью ҳимоячи операциядан кейин тикланаётганида уни очиқ қўллаб-қувватлаган бўлса-да, унга таянмаслигини билдирган.

Португалиялик мураббий Лунини Тибо Куртуанинг келажакдаги ўринбосари сифатида ҳам, захира дарвозабони сифатида ҳам кўрмаяпти. «Реал» бош мураббийи қишда янги футболчиларни жалб қилишни истамоқда. Бунинг учун жамоада фойдаланилмаётган футболчиларни сотиш талаб этилади. Лунин ва Асенсионинг клубдан кетиш эҳтимоли юқори, бироқ уларнинг шартномалари яқинда узайтирилгани ва маошлари катталиги вазиятни мураккаблаштирмоқда.