Украина Словакияга, Франция эса Нидерландияга қарши! Бугун бизни қандай баҳслар кутиб турибди?

"Евро-2024"нинг иккинчи туридан ўрин олган баҳслар давом этади. Бугун ҳам 3 та ўйин бизни кутиб турибди. Қуйида шу ҳақида батафсил танишишингиз мумкин. 

Словакия - Украина

Дастлабки турдан кейин кўпчилик учун Украина ҳеч қандай қаршилик кўрсата олмайдиган жамоа сифатида бўлиб турибди. Сабаби, Ребров шогирдлари турнирнинг энг арзон жамоаси бўлмиш Руминиядан 3 та гол ўтказиб, бунга жавоб бера олмади. Бугун эса уларни Бельгияни таслим қилган Словакия кутиб турибди. Агарда иккинчи турда ҳам украиналиклар мағлубиятга учрайдиган бўлса, гуруҳдан чиқиш масаласи қийин бўлиб қолади. Шу сабабли, Украина бор кучини бериб ҳаракат қилиши керак бўлади. Словакия бўлса биринчи ўйиндан кейин ўзига бўлган ишончи анча ошган. 

{game}19032630{/game}

Польша - Австрия

Нидерландия билан бўлиб ўтган ўйинда польшаликлар ёмон таассурот қолдиргани йўқ. Жамоа ўша учрашувда ҳисобни очишга муваффақ бўлганди, лекин Куман шогирдлари сўнгги дақиқаларда ғалабани илиб кетди. Австрия эса Францияга ҳеч қандай кураш таклиф қила олгани йўқ. Аммо атиги битта гол ўтказиб юборгани ҳам таҳсинга сазовор. Демак, бу тенг кучга эга бўлган икки жамоанинг тўқнашувидир. Томонлар ҳали Евродаги илк очколарини қўлга киритишмади. Бугун кимнингдир анъанаси якунланади. 

{game}19032630{/game}

Нидерландия - Франция

3 очкога ега бўлган Нидерландия ва Франция гуруҳдан ким биринчи чиқиши учун кураш олиб боришади. Агарда бугун қайсидир тарафга ғалаба қозонадиган бўлса, плей-оффга йўл олган 3-жамоага айланади. Ҳозирча бу ишни фақат Испания ва Германия уддалай олди. Ўзаро ўйинлар тарихида сўнгги марта Нидерландия 2018 йилда ютганди. Ундан кейинги 2 та учрашув французларнинг ғалабаси билан тугади. 

{game}19032631{/game}