UFC мухлислари 2027 йилнинг январида иккита супер жангга гувоҳ бўлиши мумкин

Таниқли спорт инсайдери Ариэль Хельвани 2027 йил январь ойида ўтказиладиган  "UFC 336" турнирида ярим ўрта вазн тоифасида чемпионлик жанги ўтказилишини маълум қилди.

Бразилиялик Карлос Пратес яқинда Ислом Махачевнинг навбатдаги рақиби сифатида "ишда" экани ва эҳтимолий сана дея январь ойини тилга олганди. Демак бу ҳам бежиз эмас.

Шу билан бирга, дастлаб декабрь ойида жанг қилишни талаб қилган Майкл Моралес энди фикрини ўзгартирганга ўхшайди. У Пратес ва Иан Гаррини кейинги рақиблари эмаслигини айтди. Шундан сўнг қозоғистонлик ММА устаси Шавкат Раҳмонов Tik-tok сторисларида эквадорлик билан потенциал жангга ишора қилиб, "19-0 vs 19-0" дея ёзиб қолдирди.

Ҳозирча расман ҳеч нарса йўқ, лекин барчаси тез орада ойдинлашади!