UFC жангчиси: “Мовсар Евлоев чемпионлик жангига ҳақли — у ҳали мағлуб бўлмади”

Америкалик UFC жангчиси Хосе Делгадо UFC нинг ярим енгил вазн тоифасида иштирок этаётган, россиялик Мовсар Евлоевга титул жанги берилиши кераклигини айтди.

“Евлоев унчалик ёрқин жангчи эмас, лекин адолат нуқтайи назаридан у, албатта, чемпионлик жангини олишга ҳақли. У ҳали мағлуб бўлмади. Худди шу гапни Лерон Мёрфига нисбатан ҳам айтиш мумкин — унинг ҳаракатлари томошабоп эмаслиги боис доим сояда қолиб кетади” — деди Делгадо "Home of Fight" You Tube каналига берган интервьюсида.

Эслатиб ўтамиз, Мовсар ММА  даги профессионал фаолиятини 2014 йилда бошлаб, 2019 йилда UFC га келиб қўшилган. У сўнгги бор "UFC 310 " турнирида Алджамейн Стерлингга қарши окткагонга кўтарилиб, якунда ҳакамларнинг якдил қарорига кўра зафар қучганди.