УЕФА Винисиус билан бўлган вазият юзасида тергов бошлади
- 18-феврал, 19:42
- Ali Ahmadxo’jayev
- 0
- Футбол
Европа футбол ассоциациялари иттифоқи (УЕФА) кеча тунда бўлиб ўтган Чемпионлар лигаси плей-офф босқичи доирасидаги “Бенфика”-”Реал” (0-1) ўйинида Винисиус билан боғлиқ ирқчилик ҳақорати юзасидан тергов жараёни бошланганини маълум қилди.
Хабарга кўра, УЕФА интизомий регламентининг эҳтимолий бузилганлиги қайд этилган.
50-дақиқада Винисиус Жуниорнинг голи ортидан вазият авж олди. Ўйин давомида Винисиусга нисбатан мезбонлар футболчиси Жанлука Престианни ҳақоратли сўзлар ишлатди, Винисиус эса уни ҳакамга маълум қилиб, ўзи эса майдон ташқарисига чиқди. Айнан шу вазият ортидан учрашувда 10 дақиқа пауза юзага келди. Шундан сўнг у майдонга қайтди ва томонлар учрашувни якунлаб қўйишди.
"Ушбу ҳолат бўйича қўшимча маълумотлар яқин орада тақдим этилади", - дейилади УЕФА баёнотида.
Абдувалиев Азизбек