УЕФА Чемпионлар лигасининг "Арсенал"га қарши сафар ўйинида жамоа мухлислари томонидан йўл қўйилган нохушликлар ортидан Мадриднинг "Атлетико" клубига нисбатан санкциялар эълон қилди. Қарор ташкилотнинг Назорат-интизом ва ахлоқ комиссияси томонидан қабул қилинган. Бу ҳақда AS хабар бермоқда.
Манбага кўра, клуб айрим мухлисларнинг ирқчилик ва камситувчи хатти-ҳаракатларида айбланмоқда. "Атлетико" 30 минг евро жаримага тортилди, шунингдек, EЧЛнинг бир ўйини учун меҳмон чипталарини сотиш шартли равишда тақиқланди. Жазо бир йил давомида амал қилади: агар бундай эпизодлар такрорланса, санкция автоматик равишда кучга киради. Бундан ташқари, клуб майдонга буюмлар улоқтиргани учун яна 10 минг евро жаримага тортилди.
Огоҳлантиришга қарамай, мухлислар 9 декабрь куни ПСВ ва 21 январь куни "Галатасарой" меҳмони бўлиш учун жамоани қўллаб-қувватлашлари мумкин. Бироқ, ҳар қандай янги қоидабузарлик санкциянинг тўлиқ бажарилишига олиб келади.