Уч карра Ўзбекистон чемпиони Ямалга “Олтин тўп”ни ютиш йўлини ўргатди

“Бунёдкор” таркибида 2008, 2009 ва 2010 йилларда Ўзбекистон чемпиони бўлган жаҳон футболи юлдузи Ривалдо “Барселона” етакчиси Ламин Ямал келаси йили “Олтин тўп” соврини ютиши учун нималарга эътибор қаратиши лозимлигини маслаҳат берди.

- Ламинда келаси йили “Олтин тўп”ни ютиш учун барча сифатлар мужассам. Хусусан, жорий мавсум бу футболчи учун аввалгисидан анча ёрқин бўлишини кутяпман.

Ўйлашимча, Ямал бутун дунёга ўз ўйин услубини намойиш қилиш билан чекланиб қолмасдан, мунтазам кўп гол уриши, имкони борича жамоадошларига голли паслар узатишни кўпайтириши лозим.

Илгари Криштиану Роналду ва Лионель Месси ҳам худди шундай қилган, - деди Ривалдо Испаниянинг Sport.es нашрига берган интервьюсида.

Эслатиб ўтамиз, Ривалдонинг ўзи 1999 йили “Милан”даги фаолияти давомида жаҳоннинг энг зўр футболчиси бўлган ва “Олтин тўп” совринини ҳам қўлга киритган.

Ламин Ямал 2025 йилги “Олтин тўп” тақдимотида иккинчи ўринни эгаллади. Нуфузли соврин бу гал ПСЖ ҳужумчиси Усмон Дембелега насиб қилди.