U-23 ёш тоифасидаги йигитларимиз ҳам Осиёда тенгсиз бўлди!

Жакарта шаҳрида ўтказилган қитъа биринчилигининг U-23 ёш тоифасида йигитлар ўртасидаги финал жанглари якунланди. Албатта, натижалар бизни хурсанд қиладиган даражада бўлди.

Боксчиларимиз 10 та вазн тоифасида 4 та олтин, 2 та кумуш ва 3 та бронза медалини қўлга киритиб, умумжамоа ҳисобида 1 ўринни эгаллади. Иккинчи ўрин Қозоғистонга насиб этди.

Ҳар қандай ҳолатда, ҳар бир жамоада ҳам, умумий жамоада ҳам медаль жамғаришда биринчиликни забт этдик. Бизга тенг келадигани яна бир бор топилмади! Бу ҳақда Ўзбекистон Бокс федерацияси хабар бермоқда.