U-17 Осиё кубоги. “C” ва “D” гуруҳларида 3-тур натижалари билан танишинг

Саудия Арабистони 17 ёшгача бўлган футболчилар ўртасидаги Осиё кубогига мезбонлик қилмоқда. “C” ва “D” гуруҳларида учинчи тур учрашувлари ўз якунига етди.

Жанубий Корея Яман билан 0:0 ҳисобида дуранг ўйнади. Вьетнам эса голларга бой кечган учрашувда БAAни 3:2 ҳисобида мағлуб этди.

Шунингдек, “D” гуруҳида Ўзбекистон Австралияни 2:0 ҳисобида таслим қилди. Шимолий Корея мусобақадан четлатилгани сабабли Ҳиндистонга қарши учрашув ўтказилмади.

Шу тариқа, “C” гуруҳидан кейинги босқичга Вьетнам ва Жанубий Корея йўл олди. “D” гуруҳида эса Ўзбекистон ва Австралия плей-офф йўлланмасини қўлга киритди.