U-17 ЖЧ. Бразилия кичик камбэк амалга ошириб, пенальтилар сериясида ғалабани илиб кетди

Ўсмирлар ўртасида ўтаётган Жаҳон чемпионатининг плей-офф босқичидан ўрин олган яна бир марказий тўқнашув ҳам якунланди. 
 
Ушбу беллашувда Бразилия терма жамоаси Франция билан тўқнаш келиб, пенальтилар сериясида ғалаба қозонди (4:3). 
 
Дастлаб, ўйиннинг 33-дақиқасида Реми Химбер Францияни ҳисобда олдинга олиб чиқди. Беллашувнинг 89-дақиқасида эса Пьетро Таварес ҳисобни тенглаштиришга муваффақ бўлиб, жамоасининг мағлубиятдан қутилиб қолишига сабабчи бўлди. Пенальтилар сериясида эса Бразилия терма жамоаси 4:3 ҳисобида ғалаба қозониб, чорак финалга йўл олди.