Туркия бош мураббийи аламли мағлубият сабабини айтди

Туркия терма жамоаси бош мураббийи Винченцо Монтелла жаҳон чемпионатининг "D" гуруҳи 1-турида Австралияга қарши ўйинда (0:2) қайд этилган мағлубият юзасидан фикр билдирди.

- Учрашув тактик жиҳатдан кутганимиздек кечмади. Рақибнинг орқа чизиқда зич ўйнаб, имконият кутишини яхши билардик. Улар қарши ҳужумлардан унумли фойдаланди. Биз икки гол ўтказиб юбордик ва жуда хафамиз.

Шу билан бирга, жамоамиз майдонда бир бутун жамоа сифатида ҳаракат қилди, юракдан ўйнади. Агар шу руҳда давом этсак, ўзимиз истаган натижаларга эришишимизга ишонаман. Кейинги ўйинда албатта яхшироқ ўйнаймиз, — дея Монтелланинг сўзларини A Spor келтиради.

Гуруҳ босқичининг 2-турида Туркия терма жамоаси 20 июнь куни Парагвайга қарши майдонга тушади. 3-турда эса 26 июнь санасида АҚШ жамоасига қарши баҳс олиб боради.