Туркиянинг энг машғур клубларидан ҳисобланган “Фенербаҳче»”яқин бир ҳафта ичида етти футболчи билан хайрлашиши кутилмоқда. Хабарларга кўра, бош мураббий Исмоил Картал кетадиган ўйинчилар рўйхатини маъқуллаган.
“Фенербаҳче” ёзги трансферлар ойнаси даврида Ведат Мурики, Мэйсон Гринвуд ва Ромелу Лукаку трансферлари билан эътиборни тортган бир пайтда, прогнозларга кўра, яқин бир ҳафта ичида клубни етти футболчи тарк этади.
Улар орасида қуйидаги футболчилар бор:
- Доминик Ливакович;
- Родриго Бекао;
- Диего Карлос;
- Женгиз Ундер;
- Чаглар Сёюнджю;
- Огнен Мимович;
- Софьян Амрабат.
Хабарларга кўра, “Фенербаҳче” бош мураббийи Исмоил Картал ушбу футболчиларнинг барчаси жамоадан кетишини маъқуллаган.
Айтилишича, айрим футболчилар янги жамоалар изламоқда, бошқалари бўйича эса турли клубларнинг таклифлари юзасидан музокаралар олиб борилмоқда.
Шу билан бирга, “Фенербаҳче”нинг ёш футболчиси Эмре Демир “Аланьяспор”га доимий трансфер асосида ўтгани маълум қилинди.
Бундан ташқари, Диего Карлоснинг “Комо” клуби билан келишувга эришишига яқин экани ҳақида ҳам хабар берилди.