Трaмп Эроннинг Жаҳон чемпионатида иштирок этиши уларга хавф туғдиришини айтди

АҚШ президенти Дональд Трамп Эрон миллий терма жамоаси 2026 йилги Жаҳон чемпионатида иштирок этиши мумкинлигини айтди, аммо бу уларнинг хавфсизлиги нуқтаи назаридан тўғри эмаслигини таъкидлади.

"Эрон миллий терма жамоаси Жаҳон чемпионатида иштирок этиши мумкин, лекин менимча, уларнинг ўз ҳаёти ва хавфсизлиги учун бу тўғри қарор эмас", — деб ёзди Трамп Truth Social тармоғида.

Аввалроқ Эрон спорт вазири АҚШ ва Исроил томонидан Теҳронга берилган зарбалардан кейин мамлакат спортчилари халқаро мусобақаларда иштирок этиши қийин бўлиши мумкинлигини билдирган эди. Ушбу ҳужумлар минтақадаги можарони янада кескинлаштирган.

Маълумот учун, 2026 йилги мундиал 11 июндан 19 июлгача АҚШ, Канада ва Мексикада бўлиб ўтади.