“Тоттенхэм” рақибга футболчи бермади
- 31-август, 14:54
- Zohir Toshxo’jayev
- 0
- Футбол
“Тоттенхэм” раҳбарияти австриялик ҳимоячи Кевин Дансони ижарага олиш бўйича Премьер-лига вакили “Сандерленд”нинг таклифини рад этди.
Премьер-лиганинг биринчи турида “Брентфорд”га қарши ўйинда бир дақиқа ҳам майдонга тушмаган Дансо Лига кубогининг иккинчи раундида “Чарлтон”га қарши учрашувда иккинчи бўлимда захирадан майдонга тушиш билан чекланди.
Ян Паул ван Хекке ва Маркос Сенеси келганидан кейин “Тоттенхэм” ҳимоя марказида рақобат янада кучайди. “Сандерленд” эса бундан фойдаланиб, Дансони 2026/2027 йилги мавсум давомида ижарага олишга тайёрлигини билдирди.
Бироқ BBC хабар беришича, “Тоттенхэм” 27 ёшли австриялик футболчи бўйича “қора мушуклар”нинг таклифини рад этган.
Дансо ўтган мавсумда Премьер-лигада 24 та учрашувда иштирок этган, шундан 17 тасида асосий таркибда майдонга тушган.