"Тоттенхэм" президенти Конте истеъфога чиқарилганидан сўнг мухлисларга мурожаат қилди

"Тоттенхэм" клуби президенти ҳисобланадиган Даниэль Леви бош мураббий Антонио Конте ишдан бўшатилгач, клуб мухлисларига мурожаат қилди.

"Бизни олдинда АПЛнинг 10 ўйини кутиб турибди. Чемпионлар лигаси учун эса кураш авжида. Ҳозир хато қилишга ҳаққимиз йўқ.

Тушунинг, биз бирлашишимиз керак. Клубдаги ҳар бир шахс олдинга қадам ташлаши керак. Мавсумни энг юқори нотада якунлаш учун қўлимиздан нима келса, ҳаммасини қиламиз", - деди Леви.

Маълумот ўрнида, "шпорлар"нинг янги бош мураббийи яқинда "Бавария"дан истеъфога чиқарилган Юлианн Нагельсманн бўлиши кутилмоқда. Мавсум охиригача эса жамоани Кристиан Стеллини бошқариб туради.