“Тоттенхэм” клуби ўз вингери Манор Соломонни бонуслар билан бирга 7 миллион фунт эвазига “Вест Хэм”га сотди.
Соломон “Вест Хэм” билан уч йиллик шартнома имзолади. Ушбу шартнома яна 12 ойга узайтириш имкониятини ҳам ўз ичига олади.
Соломон 2023 йил ёзида “Шахтёр”дан эркин агент сифатида “Тоттенхэм”га ўтганидан кейин клуб сафида атиги олтита ўйинда майдонга тушди.
27 ёшли Исроил терма жамоаси футболчиси “Лидс”, “Вильярреал” ва “Фиорентина” клубларида ижара асосида ўйнади, энди эса “Вест Хэм”га Премьер-лигага қайтишга ёрдам беришга уриниб кўради.
- Мен “Вест Хэм” Премьер-лигада ҳам, Европада ҳам бой тарихга эга эканини биламан. Бу клуб атиги уч йил олдин Европа совринини қўлга киритган ва менимча, клуб айнан шу ерда бўлиши керак. Мен клубга муносиб бўлган жойга қайтишига ёрдам бериш учун бу ердаман, - деди Соломон.