“Тоттенхэм” ҳеч қанақа топ-клуб эмас. Мен бунга гувоҳ бўлганман
- 13-феврал, 06:29
- Zohir Toshxo’jayev
- 0
- Футбол
Англия Премьер-лигасининг машҳур жамоаларидан ҳисобланган “Тоттенхэм” даниялик бош мураббий Томас Франкни бош мураббийликдан бўшатганидан кейин яна футбол жамоатчилиги диққати ўзига қаратди.
Ушбу жамоанинг собиқ бош мураббийи Ангелос Постекоглу “Тоттенхэм”ни катта клуб деб аташ тўғри эмаслигини таъкидлаяпти. Бу мутахассис раҳбарлигида “шпорлар” 2024-2025 йилги мавсумда Европа Лигасида ғалаба қозонган эди.
2025 йилнинг октябрида клуб раҳбарияти чемпион мураббийни лавозимидан озод этди.
- Шуниси аниқки, ‘Тоттенхэм’ ажойиб стадион ва жуда яхши машғулот базаларини қурди. Лекин харажатларга, айниқса маошлар тузилмасига қаралса, бу топ-клуб эмас. Мен буни кўрдим, чунки биз бозорга чиқиб, футболчиларни сотиб олишга интилмадик.
Мен ‘Тоттенхэм’ менталитетини ўзгартиришга ҳаракат қилдим. Ишнинг иккинчи йилида соврин ҳақида айтган барча гапларим клуб манфаати учун эди. Клуб ичида ҳеч ким бундай гапни айтишга журъат қилмасди , чунки жуда қўрқишарди.
Бу жамоа бир неча бор чемпионликка яқин келган. Биз ниҳоят Европа лигасини ютдик ва совринсиз серияга чек қўйдик. Улар эса нима қилишди? Ҳаммасини вайрон қилиб, яна бошидан бошлашди. Қизиқ, улар нимани кўзлаяпти экан?, - деди Постекоглу ESPN журналистлари билан суҳбатда.