Тошкентга қайтса, Абдуқодирнинг уйига бораман! Қозоғистонлик футболчи Абдуқодир Ҳусанов ҳақида қизиқ гапларни айтди

Жезқазғаннинг «Улитау» клуби ҳужумчиси Бакдаулет Зулфиқоров Беларусдаги фаолиятини эслаб, Ўзбекистон миллий терма жамоаси ва «Манчестер Сити» ҳимоячиси Абдуқодир Ҳусанов билан яқин дўстлиги ҳақида сўзлаб берди, деб хабар беради Sports.kz сайти яна бир манба - ASnews.kz нашрига таяниб.

Қозоғистонлик футболчининг айтишича, уларнинг йўллари 2021 йилда Минскнинг «Энергетик-БГУ» жамоасида туташган. Ўша пайтда ўзбекистонлик ёш легионер хориж футболидаги илк қадамларини қўяётган эди.

- Абдуқодир жамоада эди, лекин у ҳали 18 ёшга тўлмагани учун ФИФА қоидаларига кўра клуб уни расман рўйхатдан ўтказа олмасди. Ўша вақтда биз бир уйда яшардик, бирга машғулотларга борардик, кундалик турмушни ҳам бўлишардик. 

У менинг жуда яқин дўстим. Ҳаётда ҳам, ижтимоий тармоқларда ҳам бир-биримизни қўллаб-қувватлаймиз, аҳвол сўраб турамиз. Унинг ота-онасини ҳам яхши биламан. 

Ҳа, ҳозир унда бўш вақт деярли йўқ. Худо хоҳласа, вақтини топиб, Тошкентга уйига қайтганда, дўстлар билан йиғилиб, бирга вақт ўтказамиз, — дейди Бакдаулет Зулфиқоров.

Ҳусановнинг майдондан ташқарида қандай инсон экани ҳақидаги саволга жавоб берган форвард, ўзбекистонлик ҳимоячининг камтарлигини алоҳида таъкидлади.

- Абдуқодир жуда меҳрибон, очиқ кўнгил инсон. Умуман олганда, унда ҳеч қандай “машҳурлик касали” йўқ. Оддий муҳитдан чиққан, оддий йигит. У ҳақида яна кўп яхши гаплар айтиш мумкин, — деди қозоғистонлик футболчи.

25 ёшли Зулфиқоров жорий мавсум ўрталарида «Улитау» таркибига қўшилди. Жезқазған клуби сафида ўтказган 12 учрашувида ҳужумчи 5 та гол уришга ва бир бор голли узатма беришга муваффақ бўлди.

Абдуқодир Ҳусановнинг фаолияти эса «Энергетик-БГУ»дан сўнг кескин юқорига кўтарилди. 2023 йил ёзида у Франциянинг «Ланс» клубига ўтди, 2025 йил январь ойида эса 40 миллион евро эвазига Англиянинг «Манчестер Сити» жамоасига катта трансфер амалга оширди.

Жорий мавсумда ҳимоячи «шаҳарликлар» сафида барча мусобақалар доирасида олти ўйинда майдонга тушди. АПЛ гранди таркибида ҳусанов 2026 йилда Англия кубоги ва Англия лигаси кубоги соҳиби бўлишга улгурди.

Хайр, Ҳусанов! “Манчестер Сити” Абдуқодирни кетганлар рўйхатига қўшди

Европада Ўзбекистон терма жамоасининг янги юлдузига эътибор қаратишди

Шомуродов африкалик тўпурарлар орасида қолиб кетди

Ўзбекистон Россия терма жамоаси билан ўйнамоқчи

Ўзбек футболчиси Швейцарияда гол уриб, тарихга кирди, рақиб янчиб ташланди