Тошкентда стол тенниси бўйича катта турнир ўтказилмоқда

Пойтахтимиздаги “Юнусобод” спорт мажмуасида стол тенниси бўйича "WTT Youth contender" мусобақаси ташкил этилмоқда. 16 майга қадар давом этадиган турнирда 11 давлатдан ташриф буюрган 270 нафар спортчи қатнашяпти.

Дастурга кўра, айни пайтда яккалик ва аралаш жуфтлик дастурларида саралаш баҳслари ўтказилмоқда. Эслатиб ўтамиз, беллашувлар U-11, U-13, U-15, U-17 ва U-19 ёш тоифаларида олиб борилмоқда.

Бу ҳақда МОҚ хабар берди.