Тонали "Тоттенxэм" тарихидаги энг қиммат трансферга айланмоқда

Италиялик ярим ҳимоячи Сандро Тонали "Ньюкасл"дан "Тоттенxэм"га ўтиш арафасида турибди.
⠀
Манбаларга кўра, клублар 26 ёшли футболчининг трансфери бўйича 92,5 миллион фунт стерлинг эвазига келишувга эришган. Шунингдек, битимда яна 7,5 миллион фунт миқдоридаги бонуслар ҳам кўзда тутилган. Бу маблағлар "Тоттенxэм"нинг бир неча бор Чемпионлар лигасига йўлланма олишига боғлиқ бўлади.
⠀
Тоналининг трансфери амалга ошса, у "Тоттенxэм" тарихидаги энг қиммат харидга айланади. Бу борадаги аввалги рекорд 2024 йилда "Борнмут"дан 65 миллион фунт эвазига келган Доминик Соланкега тегишли эди. Шу билан бирга, лондонликлар "Вест Xэм" ярим ҳимоячиси Матеуш Фернандешни ҳам 85 миллион фунтга ўз сафига қўшиб олишга яқин турибди.
⠀
Тонали ўтган мавсум Англия Премьер-лигасида 35 та учрашувда майдонга тушиб, 2 та голли узатмани амалга оширган.