Тилингни тийиб юр, Салоҳ!

“Ливерпуль” етакчиси Муҳаммад Салоҳ кетма-кет учта учрашувда таркибга киритилмаганидан кейин бош мураббий Арне Слот сиёсатини очиқчисига оммавий танқид қилган эди.

Айни пайтда мутахассислар чемпион жамоа атрофидаги вазиятга ўз муносабатларини билдирмоқда. Хусусан, “Ливерпуль” собиқ футболчиси Майкл Оуэн ҳам бу борада ўз қарашларини маълум қилди.

-  Оҳ, Муҳаммад, сенинг ҳис-туйғуларингни тасаввур қила оламан. Сен бу жамоани узоқ йиллар давомида елкангда кўтариб келдинг ва имкони бор барча ютуқларни қўлга киритдинг.

Аммо футбол — жамоавий ўйин, ва сен айтган гапларни омма олиб чиқиб бўлмайди. Бир ҳафтадан сўнг сен  Африка кубогига кетасан. Балки тилни тийиб, терма жамоанг учун завф билан ўйнаь келиб, кейин вазиятга баҳо берсанг бўларди, - деди Майкл Оуэн.