Тьерри Анри: "Тудорда очко жамғариш учун кўп вақт йўқ!"

"Тоттенхэм Хотспур" Англия Премьер-лигаси турнир жадвалида 16-ўринни эгаллаб турибди ва тушиб кетиш ҳудудидан атиги тўрт очко олдинда жойлашган.

"Шпорлар"нинг бугунги ҳолати ҳақида Тьерри Анри фикр билдирди. У жамоа бош мураббийи Игор Тудор билан "Ювентус" сафида бирга тўп сурганини таъкидлади.

"Мен Тудор билан “Ювентус”да ўйнаганман ва унинг услубини биламан. Уни бир нечта ўйинга қараб баҳолаб бўлмайди, аммо очко жамғариш учун унда кўп вақт йўқ. У ким ўйнай олиши ва ўз услуби ҳамда фалсафасини қандай жорий этиш мумкинлигини кўриб чиқади. Одатда, лигада қолиб кетишни истасанг, уй ўйинлари сенинг суғуртанг бўлади. Аммо "Тоттенхэм" сўнгги йилларда уйда ғалаба қозонишда қийинчиликка дуч келмоқда. Кейинги жараённи кузатамиз", — деди Анри "Goal" нашрига берган изоҳида.