Терренс Кроуфорд Ўзбекистонга келади!

Хабарингиз бор, 14 ноябрь куни соат 18:00 да, Тошкент шаҳридаги "Ҳумо Арена" мажмуасида "Lift Promotions" компанияси томонидан профессионал бокс кечаси ташкил этилади.

Унда ҳамюртларимиз - Баҳодир Жалолов, Шаҳрам Ғиёсов, Лазизбек Муллажонов ва Аълохон Абдуллаев билан бир қаторда, бошқа давлат вакиллари ҳам иштирок этиши режалаштирилган. 

Эътиборлиси,  ўша куни бокс бўйича жахон чемпиони, америкалик Терренс Кроуфорд  "Ҳумо Арена" да меҳмон бўлади. Бу ҳақда "Lift Promotions" Instagram саҳифасида маълум қилди.

Аввалроқ, яна бир бокс юлдузи Александр Усик ҳам ушбу оқшомга келиши маълум қилинганди.