Теренс Кроуфорд Исроил Мадримовга қарши жанг сабаб WBC камаридан маҳрум қилинди

Америкалик Теренс Кроуфорд WBC камари ва супер ўрта вазн тоифасидаги мутлақ чемпионлик унвонидан маҳрум қилинди. Бунга Кроуфорднинг мексикалик Сауль Альварес ва ҳамюримиз Исроил Мадримовга қарши жанглари учун WBC га жарима тўламагани сабаб бўлди.

WBC Теренснинг Альвареc билан жанги учун 50 миллион долларлик жарима тўлашини ҳисобга олган ҳолда, унга 3% дан 0,6% гача чегирма берганини маълум қилганди. Бироқ боксчининг менежерига ва юридик маслаҳатчисига бир нечта хабарлар юборилганига қарамай, бирортасига ҳам тасдиқ ёки жавоб олинмаган. Шу боис ташкилот чемпионни камардан маҳрум этди. 

Энди эса WBC Кроуфорднинг хайрия маблағларининг 75 фоизини боксчиларга гуманитар ёрдам кўрсатадиган Хосе Сулаймон бокс жамғармасига хайрия қилишга ваъда берди. Жамғарма бутун дунё бўйлаб юзлаб боксчилар ва уларнинг оилаларини қўллаб-қувватлайди. Масалан, яқинда жамғарма саратон касаллигига қарши курашаётган Аирен Баркли ва яқинда вафот этган Ванес Мартиросян каби жангчиларни қўллаб-қувватлаганди.

Айни дамга келиб, WBC супер ўрта вазн тоифасидаги чемпионлик камари бўш деб эълон қилиб, мазкур унвон учун британиялик Хамза Шираз ва канадалик Кристиан Мбилли ўртасида жанг ўтказишини хабар берди.

Маълумот учун, 2024 йил август ойида Кроуфорд 69,9 кг кўтарилиб, Мадримовни очколар бўйича енган ва WBА чемпионлигини қўлга киритганди.