Теннисчимизни хафа қилишди

Ўзбекистон номидан иштирок этаётган теннисчи Камилла Рахимова (WTA рейтингида 76-ўрин) Жанубий Кореянинг Сеул шаҳрида ўтаётган WTA 250 турнирининг 1/8 финалида майдонга тушди.

Рахимова америкалик Кэти Волинетс (77-ўрин) билан куч синашди. Учрашув икки сетда якунланди: ўзбекистонлик спортчи 3:6, 0:6 ҳисобида мағлубиятга учради. Иккинчи сетда у бирорта гейм юта олмади. Беллашув 1 соат 23 дақиқа давом этди.

Шу тариқа, Камилла Рахимова Сеул турниридаги иштирокини якунлади. 

Кэти Волинетс эса чорак финалга йўл олди. Унинг навбатдаги рақиби хитойлик Есинь Ма (175-ўрин) ва австралиялик Кимберли Биррелл (60-ўрин) ўртасидаги баҳс ғолиби бўлади.