Темурхўжа Абдухолиқов: "Ким барқарор ўйин кўрсатса, ўша жамоа чемпион бўлади"

Ўзбекистон Суперлигасининг 5-туридан ўрин олган “Тошкент дербиси”да “Бунёдкор” “Локомотив”ни 2:0 ҳисобида мағлуб этди.

Учрашувдан сўнг мағлуб жамоа ҳужумчиси Темурхўжа Абдухолиқов ўз фикрлари билан ўртоқлашди.

“‘Нефтчи" бизга қарши ҳужумкор ўйин кўрсатишга ҳаракат қилади, биз ҳам очиқ футбол намойиш этамиз. "Бунёдкор" эса кўпроқ ҳимояга эътибор қаратиб, қарши ҳужумларга таянади. Шунинг учун бу жамоаларни таққослаш қийин — услублар турлича.”

Шунингдек, у чемпионлик курашида барқарорлик ҳал қилувчи аҳамиятга эга эканини таъкидлади:

“Мавсум давомида ҳар қандай жамоада пасайиш ва кўтарилишлар бўлади. Ким барқарор ўйин кўрсатса, ўша жамоа чемпион бўлади. Балки рақиблар бизга қарши бошқача услуб танлаётгандир. Чунки кўпчилик бизга қарши очиқ ўйнашни истамайди.”

Абдухолиқов жамоанинг ўйинига ҳам баҳо бериб ўтди:

“Биз ўйнашда давом этамиз ва ўз услубимиздан уялмаймиз. Биз ҳар доим ғалаба учун майдонга тушамиз.”

Шунингдек, у молиявий ҳолат ҳақида ҳам фикр билдирди:

“Жамоада молиявий муаммо йўқ, барчаси жойида. Албатта, бундай омиллар баъзан таъсир қилиши мумкин, аммо баҳона қидириш тўғри эмас. Ҳар бир жамоа аввало камчиликни ўзидан излаши керак.”