Тарихда қолишни истасанг шу учрашувни ют!

“Фрайбург” бугун Тошкент вақти билан тунги 00:00 да Европа лигаси финалида “Астон Вилла”га қарши баҳс олиб боради. Германия клуби ушбу учрашув орқали мавсумни тарихий муваффақият билан якунлашни мақсад қилган.

“Фрайбург” Бундеслигадаги муваффақиятли мавсумдан кейин энди клуб тарихидаги илк йирик совринни қўлга киритиш имкониятига эга.

“Астон Вилла” эса финалгача ишончли ўйин намойиш қилиб келди ва кучли рақиб сифатида баҳоланмоқда.

Учрашувда ҳар икки жамоа учун ҳам босим юқори бўлади. “Фрайбург” тарих ёзишни истаса, “Астон Вилла” Европа саҳнасида яна бир катта совринни қўлга киритишга ҳаракат қилади.

Мутахассислар фикрича, финалда жамоаларнинг жисмоний тайёргарлиги ва майда деталлар ҳал қилувчи аҳамиятга эга бўлиши мумкин.